اه الفرق بين التوفل و ايلتس

السلام عليكم يا شباب .. الموضوع ده طويل شويه لكن رائع هتستفيد منه لو مش هتستفيد اعمل شير يمكن حد تانى يستفيد منه ..
ــ : يعنى ايه توفل و يعنى ايه ايلتس ؟؟
// : الاتنين اختبار لتحديد مستوى اللغه الانجليزيه لغير الناطقين بها
ــ :طب ايه الفرق بينهم ؟
// : التوفل : اختصار لجمله (Test Of English as Foreign Language ) .. يعنى اختبار اللغه الانجليزيه كلغه ثانيه ،وهو اختبار قياس للغه وتم وضعه وضبطه لأول مرة بواسطة خدمة الاختبارات التعليمية ETS Educational Testing Service في جامعة برينستون بالولايات المتحدة ، بهدف تقييم مدى اجادة الطلاب الدوليين الراغبين فى الإلتحاق بها للغة الإنجليزية ، وبالتالي التفاعل بشكل جيد مع المقررات الدراسية ، وتحصيل العلوم المختلفة التى يتم تدريسها فى الجامعة ، و الاصل فيه انه انجليزى امريكى و فيه منه انواع ibt او الانترناشونال .. و اللى بيبقى عن طريق الكمبيوتر و pbt اللى بيبقى على الورق .
الايلتس : اختصار ل ( International English Language Testing System ) ، وهو عبارة عن اختبار لقياس قدرتك على التواصل باللغة الإنجليزية ، واللى بيثبت ان ليك مستوى معين فى اللغه ، و الاصل فيه انجليزى بريطانى .
الفرق بينهم بقى يا سيدى فى اماكن قبولهم على مستوى العالم .. بشكل عام الاتنين بيحلوا مكان بعض لكن فيه جامعات معينه على مستوى العالم بتقبل واحد منهم بس يا ده يا ده .. الخلاصه لو عايز تروح جامعه فى بريطانيا او استراليا او نيوزيلاندا و ايرلندا و هونج كونج و جنوب افريقيا لازم يبقى معاك ايلتس لو عايز تروح جامعه فى امريكا او كندا يبقى لازم يبقى معاك توفل و طبعا ده يوضحلك ليه التوفل منتشر عندنا فى مصر اكتر .. غير كده لو عايز تدرس فى اى حته تانيه فى العالم اى شهاده من الاتنين هتلاقيها غالبا مقبوله .
_ : طب هو غير الدراسه هحتاجهم فى حاجه ؟
// : اكيد هتحتاجهم فى الشغل بره و بعض الشركات فى مصر برضه بتطلبهم ، فى الماجستير و الدكتوراه .. فيه جامعات دوليه داخل مصر لازم يكون معاك توفل زى جامعه زويل مثلا .. و غير كده برضه دى شهاده تتقل الc.v بتاعك و انت بتقدم لاى شغل .
ــ : طيب احكيلى عن الفرق بين الامتحانين ؟
// : الاتنين متقسمين 4 اجزاء .. التحدث – الاستماع – القراءة – الكتابة ، الفرق بينهم فى حساب الدرجات فاختبار الIELTS يكون تدريج الدرجات من 1 الى 9 ، في حين ان التوفل يعطى أرقاما أكبر بيجمعها من الاقسام الاربعة للامتحان.
اختلاف تانى جوهري ، أن اختبار المحادثة في الIELTS ، يكون من خلال محادثة شفهية حقيقة وجها لوجه بينك وبين الممتحن ، في حين أنه فى اختبار ال TOEFL بيتم تسجيل المحادثة عبر الميكروفون وتقييمها لاحقا.. وأيضاً بالنسبة للتوفل ، فيمكنك إجراء الاختبار كاملاً عبر شبكة الإنترنت ( Computer Based Test ) وهو بالطبع الخيار اللي بيلقى إقبال أكبر من قبل الطلاب الدوليين.
التوفل مدته 3 ساعات و نص ، و الايلتس مدته 3 ساعات الا ربع بتتوزع على فتره ممتده من 3-8 ساعات و بتدخل كل قسم فى الامتحان بالتتابع .
ــ : طيب انا لو عايز امتحن بقى امتحن فين ؟
// : اولا لازم تتأكد ان المكان معتمد و ده سهل هتدخل على موقع التوفل الرسمى و تشوف الاماكن المعتمده على مستوى العالم كله حاليا فى مصر هتلاقى امايدست هو الوحيد اللى فيه اختبار التوفل و اللينك اهه
http://www.ets.org/toefl/contact/
الايلتس تقدر تمتحنه فى الجامعه الامريكيه او البريتش كاونسل او اماكن تانيه هتلاقيها فى اللينك الاولانى على الشمال و اللينك التانى بتاع البريتيش كاونسل ..
http://idpielts.me/
http://www.britishcouncil.org.eg/exam/ielts
ــ : طيب هو الامتحان اروحه كده و لا لازم احضر الاول ؟
// : لازم تبقى محضر كويس و مذاكر لان الامتحان مش سهل و لانه غالى فحرام تضيع فلوسك و وقتك انت لازم تذاكر و تعمل اكتر من تست على النت تقيس بيه مستواك علشان تبقى رايح عارف شكل الامتحان و تجيب اسكور عالى ان شاء الله ممكن تراجع و تذاكر من اللينكات دى :
http://www.examenglish.com/IELTS/index.html
http://www.learn4good.com/languages/spec_english_toefl.htm
ده كمان نموذج لامتحان التوفل من امايدست تقدر تحمله عندك على الجهاز
https://sites.google.com/…/نموذج%20أسئلة%20توفل%20TOEFL.pdf…
http://www.gulfup.com/?Ecf8Te
معلش انا طولت عليكم بس اعتقد المعلومه تستاهل .. نسألكم الدعوات و بالنجاح و التوفيق للجميع

» الفرق بين Do و Make
» الفرق بين شرائح الاتصال المختلفة Mini SIM- Micro SIM-Nano SIM
» الفرق بين جنة الفردوس وجنة عدن وجنة الخلود وجنة الماوى